-Cales son os teus libros máis coñecidos?
Sempre me parece que son os máis recentes, pero xa en 1981 foron moi coñecidos o ensaio 'Quen é quen no primeiro parlamento galego? (Edicións Xerais), e a biografía 'Celso Emilio Ferreiro, compañeiro do vento e das estrelas' (Ed. Akal). Como novelas, Covardes (Ir Indo, 2002) e Sándalo (Ed. Galaxia, 2019).
-Que xeneros literarios cultivas?
Diría que novela, pero teño algún ensaio tamén.
-So escribes en Galego?
Habitualmente si.
-Outorgaronche algún premio literario algunha vez?
Non...
-Quen é teu ou túa referente na literatura?
Guillermo Cabrera Infante,
-Nos teus libros podemos atopar vinculos de unión ou son creacións totalmente diferenciadas?
Son totalmente diferenciadas, tanto polo xénero como pola temática. Algunhas críticas apuntan a un fío condutor na perspectiva feminista.
-Que máis talentos teis a parte da escrita?
Hahahaha! que pregunta tan difícil! Teño facilidade para ensinar e adestrar a falar en público. De feito, ideei un método específico para mulleres que deu pe a innumerables cursos e a unha publicación que se editou en castelán: Vine, vi y ¡hablé! Las mujeres frente al discurso público (Ed. Auga, 2012).
Boto de menos non ter formación musical porque de cando en vez me gusta cantar.
-Hai escritos para rato ou algunha vez pensache en xubilarte da literatura?
Escribín tanto polo meu oficio como xornalista que a escritora estivo moito tempo nun segundo plano. Así e todo teño bastantes cousas publicadas pero, en varias ocasións, foron encargos. Teño moitas historias dentro que tentarei facer sair, seguramente como relatos ou novelas, e un par de libros de ensaio sobre feminismo.
Comentarios
Publicar un comentario