Cando empezastes a facer música?
Pois máis ou menos todos na mesma época, tendo en conta a nosa diferencia de idades, pero digamos que a época do instituto foi cando todos os membros empezaron co instrumento pola súa conta. O batería e o guitarra solista levan tocando xuntos xa por máis de 20 anos, e co cantante xa dende 2007. O baixista é o "novo" da formación.
Data da formación do grupo?
A formación do grupo data de comezos de 2016, ahí completouse a formación, pero dende 2015 os dous guitarristas e o batería xa empezamos a explorar novos sons, tras saír dunha banda cun estilo más metal. Coa incorporación de Jose ó baixo pechamos a formación e puxo a súa parte no que xa estaba feito, ademáis de dar un punto de vista diferente que terminou por dar nome o estilo "Broke´n´Roll".
Pezas máis famosas?
Polo de agora, levamos unha traxectoria curta, na que quizáis "Sixty Seconds" grabada en Litium Records en directo no ano 2018 é o tema que máis alegrías nos está a dar, con moi boas críticas.
Sen embargo, cada canción é especial e transmite unhas sensacións que cada un interpreta a súa maneira.
Actuacións máis especiais?
Pois ata o de agora quizáis o Castelo Rock 2019, ó que accedemos tras gañar o Concurso de Bandas, foi unha gran experiencia en tódolos sentidos: a gran organización do festi, as bandas que compoñían o cartel, a cantidade de público. É un festival que ninguén debería perderse.
Novos proxectos ou actuacións?
Temos unha primeira metade de 2020 repleta de cousas!
Primeiro rematar o noso primeiro EP, que levará por título "The Monster", que estará listo para o arranque da xira de presentación, que comeza o 21 de Marzo na Sala Ruido (Ferrol) e que nos levará a A Coruña (Sala MalaVida, Filomatic), Pontedeume (Guión Club), Lugo (Clavicembalo) e Cangas (SalaSon), compartindo moitas das datas con Dreams of Dolly Sheep e algunha sorpresa que temos preparada.
Algunha anécdota curiosa nun concerto?7
Creo que o máis surrealista que nos pasou foi cando nos viñeron a pedir autógrafos tras un concerto nunha sala de ambiente máis comercial, non imaxinábamos que á xente lle podría gustar tanto o rock orixinal, porque se fas versións sempre tes un punto a favor xa que a xente recoñece as cancións, pero se vas a tocar de primeira impresión é difícil que se metan tanto no concerto, e aquela noite foi redonda.
Queda banda para rato?
Pensamos que sí, todos os membros estamos moi involucrados, xa nos somos rapaces de 20 anos sen responsabilidades, hai fillos, traballo, etc. Pero a ilusión que temos é inmensa, non é un sector sinxelo, prima moito ter contactos e a calidade musical non te leva sempre a ese nivel, hai que ter sorte e perseverar.
Mensaxe para todos os que vos seguen
Comentarios
Publicar un comentario