(Entrevista) Son Da Rúa

- Canto tempo levades na escena músical? 
Pois comezamos a dar concertos xuntos fai case tres anos aprox, mais como grupo (SonDaRúa) levamos un pouquiño máis de dous anos.
-Algún cambio importante dende os vosos inicios?
Cremos que principalmente o que mudou dende os nosos comezos, é que estamos tratando de ir mellorando pouco a pouco na calidade e a profesionalidade do que facemos, xa sexa a nível de gravacións, audiovisual, etc... e tamén consideramos que a día de hoxe temos un directo moi potente que nos respalda.
-que vos di o público da música que facedes?
En termos xerais que se sinten representados co que dicimos nas nosas letras, e que valoran moito a música que facemos, tamén hai algún que outro hater que nos da forzas á súa forma (jeje)
-notades que o público vos sinte cercanos a eles?
Cremos que sí, en cada concerto tentamos conectar coa xente de forma que sintan que somos simplemente tres (non dous, que se enfada o DJ xd) colgados facendo música, mais cando baixamos do escenario somos un máis do público.

-algún novo proxecto en mente? 
Sí, estamos traballando en varios temiñas novos para darlle continuidade ao noso último traballo "Liberando Mentes", que lanzamos en formato EP.

-sirven vosas letras para intentar cambiar a sociedade? 
Non sabemos se para tentar mudala, mais polo menos para que a xente que nos escuita se cuestione o sistema establecido, e a falta de democracia no estado español sí, niso estamos seguros.

-cousa curiosa que vos pasara nunha actuación?
Creo que o máis curioso pasounos en Vimianzo, nun festi polas letras galegas. Comezamos a actuar sobre as 22:30 da noite e comezou a chover a cachón, o escenario estaba moi mal protexido e comezou a mollarse todo, equipos de son, equipo do noso dj etc... Estabamos no sexto tema e de repente saltou todo e ficamos sen electricidade e polo tanto sen son, e finalmente suspendeuse o festi e non puidemos tocar. Finalmente subimos a outro escenario máis pequeno que había en fronte, e grazas a un grupiño que estaba tocando puidemos rimar un pouco por riba dunha batera e unha gaita, algho é algho ;)
-que pensades da sociedade? 
Moitas cousas, quizáis é unha pregunta que non tería unha resposta curta. Mais en resumo, que debemos mudar como sociedade a todos os níveis, educacionalmente, políticamente, en cuestións de xénero, etc... organizarnos no colectivo e non no individual, compartir e cooperativizar. 

-algunha composición ten un significado importante? 
Cada unha ten un significado propio, mais os dous cremos que "Meio tolos", polo que supuxo para nós escribilo sendo un tema tan íntimo.

Moitas grazas polo interese e pola entrevista meu, de calqueira cousa eiquí estamos. Aperta forte!!